أعربت الفنانة يسرا عن سعادتها الكبيرة بتأهل منتخب مصر إلى دور الـ16 من بطولة كأس العالم 2026، ووجهت رسالة شكر إلى الكابتن حسام حسن والجهاز الفني واللاعبين بعد الإنجاز التاريخي.
وقالت يسرا، في تصريحات عبر برنامج الكابتن مع الصقر أحمد حسن، المذاع على قناة dmc: ألف مبروك لمصر، وللوطن العربي، ولينا كلنا، وربنا يديم الفرحة.
وأضافت أن أجواء الاحتفال وصلت إلى موقع تصوير أعمالها، موضحة أن فريق العمل توقف لمتابعة المباراة، وقالت: إحنا هنا في الشغل وقفنا التصوير واتفرجنا على الماتش، والفرحة كانت عظيمة جدًا، مش عارفة أوصفها إزاي.
وتابعت يسرا أن فرحتها كانت كبيرة بسبب ما وصلها من رسائل وفيديوهات من مختلف أنحاء الوطن العربي، مضيفة أنها كانت تخشى ركلات الجزاء، قبل أن تؤكد أن المنتخب استحق هذا الدعم والاحتفاء.
وقالت: فرحتنا عظيمة جدًا، وكمية الفيديوهات اللي وصلتني من جميع أنحاء الوطن العربي ما حصلتش قبل كده، أنا كنت هموت من الخوف في ركلات الجزاء، وربنا جبرنا جبرًا كبيرًا، ورجالتنا هناك زي الفل، ربنا يحميهم ويرجعهم بالسلامة ومنصورين إن شاء الله.
وعن مواجهة منتخب الأرجنتين، قالت يسرا: إن شاء الله إحنا هنكسب الأرجنتين بإذن الله.
واختتمت رسالتها بالتأكيد على فخرها بما قدمه المنتخب، قائلة: بشكر الكابتن حسام حسن، والجهاز الفني، واللاعبين، والجميع، إحنا فرحانين بيهم وفخورين بيهم، ورافعين رأس مصر كلها، ومهما نقول الكلام بيعجز عن التعبير عن الفرحة اللي جوانا، مفيش حد مش فرحان، والناس بتكلمنا من كل حتة، ولو شوفتوا الميديا كلها بتحب مصر، إحنا كوطن عربي بنحب بعض، وبنفرح لبعض.