يرى محمد عبد الجليل، نجم الكرة المصرية السابق، أن حسام حسن قادر على تكرار مسيرة حسن شحاتة مع منتخب مصر.
وقال عبد الجليل في تصريحات مع سهام صالح لبرنامج الكلاسيكو إن حسن شحاتة «اتظلم وربنا كرمه في المنتخب»، مضيفًا: «عشان كده أتوقع أن حسام حسن هيعمل حاجة مع المنتخب لأنهم اتظلموا مع أنديتهم».
وأضاف: «حسام حسن مظلوم لأن الناس كلها بتقول إن عنده روح بس لكن هو شغال فني، ومصطفى محمد لما اتدلع اتفرم وحسام حسن صارم في قراراته».
وتطرق عبد الجليل إلى وليد صلاح الدين، مدير الكرة السابق بالأهلي، قائلًا إنه تعرض للظلم داخل النادي الأهلي.
وقال أيضًا: «الأهلي بقاله 3 سنين متذبذب، ووليد صلاح الدين اتظلم في الأهلي وللأسف كان بيطبطب».
وأكمل: «النادي الأهلي بقى يعمل اللي كان بيحصل في ميت عقبة في السنوات الماضية، وكنت أفضل أن مباراة البرازيل تكون في وقت بعيد قبل كأس العالم عشان المعنويات».
واختتم عبد الجليل تصريحاته قائلًا: «محمد شحاتة وإسماعيل اتظلموا شوية مع المنتخب.. لأنهم أي قرار هيقولوا ماشي، ومصطفى محمد اتدلع جامد ومداش للكورة حقها».