قال أحمد خطاب، المدير الفني لنادي غزل المحلة، إن أحمد شريف نجم الزمالك يتمتع بقدرة بدنية تؤهله للمشاركة كجناح وكمهاجم صريح.
وأوضح خطاب، خلال ظهوره الإعلامي عبر شاشة أون سبورت، أن شريف مهاجم صريح، وإذا وصل إلى كامل جاهزيته البدنية فسيكون المهاجم رقم 1 في القلعة البيضاء.
وأضاف: «شريف متنوع والمهاجم ليه شكل مختلف عن التاني. في مدرب محتاج مهاجم محطة أو مهاجم صندوق أو مهاجم مساحات وشريف بيجمع كل ده».
وعن تراجع مستواه، قال خطاب: «الأجواء المختلفة ممكن تعمل ده، يعني الأجواء في فاركو مختلفة عن الزمالك، وده طبعا وارد».
وكشف المدير الفني لغزل المحلة عن أزمة يعاني منها لاعب الزمالك، قائلا: «شريف من نوعية اللاعيبة اللي عندها استجابة للضغوط النفسية ونصحته يفصل بين اللي بيسمعه وبين اللي عايز يحققه».